ГлавнаяИсполнителиРагимат ГаджиеваДустариз (на стихи Етима Эмина)
название:

Дустариз (на стихи Етима Эмина)


автор:

Рагимат Гаджиева


рейтинг: ★★★★★ / 5.1 / 1113 просмотров
Хабар кьуртIа зи гьалдикай дустари, 
Шукур аллагь, хъсан я, лагь дустариз. 
ТIалабирди чпивай зи къастари 
Хийир-дуьа, игьсан я, лагь дустариз.
* * * 
Хажалатар, хифетар зи дерин я, 
Заз алахьай гуьлуьшан югъ серин я. 
Вил атIудач дуьньядихъай - ширин я, 
Айиб мийир, инсан я, лагь дустариз.

* * * 
Жув хьайила эвел халкьдин арада, 
Гила хелвет хажалатдин кьурада. 
Дердерикай хабар кьадач чарада, 
Дуьньядин гъам гьижран я, лагь дустариз.

* * * 
Бенде авач гьал гьикI ятIа аквадай, 
Дердиникай хабар кьуна рахадай, 
Фугъарадин гьакъикъатда акьадай. 
Бей-адалат дуван я, лагь дустариз.

* * * 
Дустариз лагь: гъафил тахьуй ахвара, 
Эхир нефес жезава, лагь, мукьвара. 
Етим Эмин амач лугьуз, фугъара, - 
Квез жериди са ван я, лагь дустариз.

Послушать/Cкачать эту песню
Mp3 320kbps на стороннем сайте
А как ты думаешь, о чем песня "Дустариз (на стихи Етима Эмина)" ?
2010-2020 © WebKind.Ru Тексты песен