Оглумга

Удуп көрем че, чассыг төлүм
Уйгу-дүжүң чаптап ор бис
Өртемчейге чаяттынгаш
Өөрүшкүннү эккеп бердиң

Кожумаа:
Төрүттүнген хүннүңде, оглум
Дөгере сылыстар, бурганнар
Шупту сеңээ мөгейди, оглум
Аваң-ачаң бистер сени
Аажок манап сагыш-човап
Буулгаазынныг олчавыс сен

Карактарны авайыңдан
Канчап ынчаар дөзеп алдың
Чаактарыңның чаагай хоюг
Ханы тыннар агаарым бол

Кожумаа:

Хензиг-чаптанчыг, холдарыңны
Херлип-херлип бисче сундуң
Баштайгы чаш хүлүмзүрүүң
Бажыңвыс буян-кежии

Кожумаа: