Ай алкалы татар кызы

Яшел бәбкә яшел үлән,
Табигать тә бәбкә үзе.
Су буенда казлар карый
Ай алкалы татар кызы.

Татар кызы, татар кызы,
Ай алкалы татар кызы.
Су буенда казлар карый
Ай алкалы татар кызы.

Талир тәңкә, ефәк тасма
Толымына үргән үзе.
Карашыннан моң түгелә
Ай алкалы татар кызы.

Татар кызы, татар кызы,
Ай алкалы татар кызы.
Карашыннан моң түгелә
Ай алкалы татар кызы.

Зәңгәр күзле, ап-ак казлар
Каңгылдашып суда йөзде.
Хыялымда бәбкә саный,
Ай алкалы татар кызы.

Татар кызы, татар кызы,
Ай алкалы татар кызы.
Хыялымда бәбкә саный,
Ай алкалы татар кызы.