Ахтылҕан

Уһуннук да кэтэстим
Саас салаллан кэлэрин,
Ыарык-баттык оҥостон
Тымныы кыһын устата
Сааспыт номнуо эргийдэ.
Айылҕа нуоҕайа көҕөрдө,
Онтон сүрэҕим уоскуйбат,
Тоҕо эрэ оннун булбат.

Хос ырыата:

Доҕорбун эйигин ахтартан
Олуһун даҕаны сылайдым.
Күөрэгэй чыычааҕым ырыатын
Истэммин уоскуйа сатыыбын.

Уоскуппаттар көтөрдөр,
Айылҕа да көнньүөрпэт.
"Оо, күүстээх да эбиккин"
"Таптал" киирбит киһигэр.
Бу олорон саныыбын
Хайдах ханна көрсөрбүн,
Була-таайа сатыыбын
Ол кэрэ-үтүө кэми!