Эреджебим

[bad word] ctmusic

Gemi kelir, yanaşır,
İçi tolu çamaşır.
Bu ne qadar güzellik,
Baqqan közler qamaşır.

Kel menim, Erecebim, Erecebim,
Kelmeseñ, ölecegim.
Qara yüzüm salqımı, salqımı,
Yar, sen aldıñ aqlımı.

Gemi kelir yalıdan,
Direkleri qaradan.
Eki yar bir sevilmez,
Men çıqayım aradan.

Kel menim, Erecebim, Erecebim,
Kelmeseñ, ölecegim.
Qara yüzüm salqımı, salqımı,
Yar, sen aldıñ aqlımı.

Gemi kelir, yan kelir
Uzaqlardan yar kelir.
Seve-seve ayrılmaq,
Bu yaşlıqta tar kelir.

Kel menim, Erecebim, Erecebim,
Kelmeseñ, ölecegim.
Qara yüzüm salqımı, salqımı,
Yar, sen aldıñ aqlımı [bad word] ctmusic