Айырыла күрмәгеҙ

Айырылыр хәлгә етһәң - 
Һин хаҡлы ла, мин хаҡлы... 
Араларҙа өҙгөләнә 
Бары тик бала хаҡы. 

ҡушымта: 

Юҡтан ғына үпкәләшеп, 
Айырыла күрмәгеҙ. 
Йәр табылыр, тик балаға 
Атай булыр тимәгеҙ. 

Хисле сағығыҙ емеше 
Һеҙ тип өҙөлә күрегеҙ. 
Балағыҙҙы шул һөйөүҙән 
Мәхрүм итә күрмәгеҙ. 

ҡушымта: 

Юҡтан ғына үпкәләшеп, 
Айырыла күрмәгеҙ. 
Йәр табылыр, тик балаға 
Атай булыр тимәгеҙ. 

Арҡаланыр атай кәрәк - 
Үҙ атайың сит булмаҫ. 
Фәрештәгә тиң булһа ла, 
Ят бауыр ярлыҡамаҫ. 

ҡушымта: 
Юҡтан ғына үпкәләшеп, 
Айырыла күрмәгеҙ. 
Йәр табылыр, тик балаға 
Атай булыр тимәгеҙ.