Тыва чонга монге алдар

Арбай чалгаан ховуларны 
Ааржы дег малы каастаан 
Аккыр кидис ѳргээ-ѳглүг 
Амыр, чоргаар тѳрел-дѳзүм - 
Дыӊгылдайлаан аялгалыг 
Тыва чонга мѳӊге алдар! 

Туткан холу дуӊзаа болган 
Туразында ыры-шоорлуг 
Чедиишкинче дидим баскан 
Челээш ышкаш ѳӊгүр, омак... 
Тыны-биле чурту тудуш 
Тыва чонга мѳӊге алдар! 

Үе-дүптен адын сыкпаан 
Үлегерлиг ѳгбелерниӊ 
Маадырлыг чоруктары 
Магададып сорук киирген. 
Тывызык дег тѳѳгүлүг 
Тыва чонга мѳӊге алдар!