Воскресни, Боже, суди земли, яко Ты царствующи во веки

Воскресни, Боже, суди земли, яко Ты наследиши во всех языцех. 

И певцы поют тожде. 

И чтец, стих: 

Бог ста в сонме богов, посреде же боги разсудит. 

И певцы: 

Воскресни, Боже: 

Стих: Доколе судите неправду и лица грешников приемлете? Воскресни, Боже: 

Стих: Судите сиру и убогу, смиренна и нища оправдайте. Воскресни, Боже: 

Стих: Измите нища и убога, из руки грешничи избавите его. Воскресни, Боже: 

Стих: Не познаша, ниже уразумеша, во тьме ходят. Воскресни, Боже: 

Стих: Да подвижатся вся основания земли. Аз рех: бози есте, и сынове Вышняго вси. Вы же яко человецы умираете и яко един от князей падаете. 

И паки: Воскресни, Боже, суди земли, яко Ты наследиши во всех языцех.