Сагындырып исә Мингәр җилләре.

Сагындырып исә Мингәр җилләре.
Урман-күлләрендә ак томан.
Ак томаннар булып очып,
“Бик сагындым” диеп, кочып,
Яшьлегем көтәдер сыман.

Сагындырып төшләремә керәсең,
Газиз нигез, күңелем түрендә.
Әнкәемнең тәмле чәен,
Чишмәләрнең челтерәвен
Юксынам, читтә йөргәндә.

Сагышланып, исә Мингәр җилләре.
Мингәр юлларында ак буран.
Кайтсам гел көтеп аласың,
Китсәм мине юксынасың,
Яшьлек эзем калган урам.