Хьа ц1и

Сигалара седкъий б1а тувсаш* доаг,
Хьо воаг1и хьажа со арайоал.
Безамо вай шиъ даькъала дувц
Кхело* б1огорадоаладаь хьувз.

Хьа б1арахьажар дега чакхдоал.
«Хьо сона еза» цо сога оал.
Эйса укх лаьтта мел доаккха ди
Д1адоладу аз хьа йоаккхаш ц1и.

Вай безамах дийнахьа-бус
Деррига дуне хьегача* дус.
Сараха-1урра малх санна леп,
Ишта я вай безама кеп*.

Хьа б1арахьажар дега чакхдоал
«Хьо сона еза» цо сога оал.
Эйса укх лаьтта мел доаккха ди
Д1адоладу аз хьа йоаккхаш ц1и.

Со ц1аккха хургьяц дог ийкха хьох,
Массаза тешаш хилалахьа хьо цох.
Ер дуне хургда сийрдаг1а, к1ай
Нагахьа мо дезаш чакхдоале вай.

Хьа б1арахьажар дега чакхдоал
«Хьо сона еза» цо сога оал.
Эйса укх лаьтта мел доаккха ди
Д1адоладу аз хьа йоаккхаш ц1и.