Меним юртум денъиз-дагълы

Меним юртум денъиз-дагълы,
Арзуларым онен багълы,
Балалыгъым мында къалды.
Беяз геми, беяз геми.

Денъиз узьре ялдай-ялдай,
Мерамымны анълаялмай.
Не кетесинъ мени алмай,
Беяз геми, беяз геми.

Алсанъ мени къучагъынъа,
Атеш олып оджагъынъда.
Мен йырлайджам сачагъынъда,
Беяз геми, беяз геми.

Дерья-денъиз эвинъ олсун.
Меним ичюн сен бир ёлсынъ.
Ялда-ялда, бахтлы ол сен,
Беяз геми, беяз геми.